Mahindra chuan an subcompact SUV lar leh hralh tam XUV300 chu rawn tharthawh lehin XUV 3XO tiin an rawn tlangzarh thar leh ta.
Mahindra XUV 3XO ah hian thil thar tam tak a rawn awm a. A elpui te neih ve loh pawh a rawn nei nual a. Subcompact SUV huang niin he huangah hian lirthei hralh kal tak tak – Tata Nexon, Hyundai Venue, Kia Sonet leh Maruti Suzuki Brezza te an awm a. Market lamah pawh heng lirthei te nena an inel dan boruak hi a ngaihnawm chho viau dawn a ni.
- Chi hrang leh a man
Mahindra XUV 3XO hi variant hrang hrang – MX1, MX2, MX2 Pro, MX3, MX3 Pro, AX5, AX5 L, AX7, leh AX7 L te a awm dawn a. Rs Nuai 7.49 atanga Rs Nuai 15.49 man inkar (ex-showroom) chhungah a awm a ni.
- A kentel
Mahindra XUV 3XO hian piano-black grille leh LED headlamp thar bakah C-shaped daytime running lights (DRLs), radiator grille thar, redesigned LED taillight, 17-inch alloy wheels te a nei a ni.
A chhunglamah ivory-colored interior, soft-touch leatherette material a dashboard-ah a awm a, leatherette seat upholstery a awm bawk a ni. Hei bakah hian panoramic sunroof, automatic climate control, wireless charging, 360-degree surround-view camera te a nei a. 26.03 cm HD touchscreen infotainment system, AdrenoX operating system a nei a. Hei bakah hian seven-speaker Harman Kardon audio setup with nine-band equalizer a nei a, hetiang tiat tho, fully digital instrument cluster a nei bawk a ni.
Himna lamah chuan ADAS Level 2 feature neiin, automatic emergency braking, lane-keeping assist, forward collision warning bakah airbag 6, disc brake 4, ISO-Fix with top tether leh traction control te a awm a. 4X4 a nei lo na a, off-road capability with 350 mm water-wading capacity, 23.6-degree approach angle leh 39.6-degree departure angle te a nei a ni.
- A khawl
XUV 3XO hian a hmaa XUV 300 in a hman ang bawk 111bhp, 1.2L turbo petrol, 131bhp, 1.2L turbo petrol leh 117bhp, 1.5L diesel khawl te a hmang a. Gearbox duhthlan tur – 6-speed manual (standard), 6-speed torque converter (with non-TGDi and TGDi petrol engines), leh 6-speed AMT (with a diesel engine) te hmang a ni.