Manchester United manager Erik ten Hag chu Thomas Tuchel thlaka Bayern Munich manager ni thei zingah a tel teh tlat. (Christian Falk)
Chelsea leh Napoli te chu Nigeria striker Victor Osimhen chungchangah an indawr tan a. Chelsea in Osimhen mana player pek tel tuma an tawktarh zingah Belgium striker Romelu Lukaku pawh a tel a, player dang pek tel an huam bawk. (Gianluca DiMarzio)
Liverpool leh Uruguayan forward Darwin Nunez chu nipui bazar inhawn hunah Barcelona in Polish striker Robert Lewandowski thlaktu atan lak an tum. (Sun)
Manchester United chuan Brazil winger Antony lak tuma dawrtu an awm hun an nghak a. Crystal Palace midfielder Michael Olise an lak theih nan hmun siamsak thuai an tum. (Rudy Galetti)
Arsenal leh Brentford te chu a ngheta Spain goalkeeper David Raya lak chungchangah tawngkain inremna an nei tawh a. Gunners hian kum 28 mi Raya hi £27m sengin lak an huam. (Fabrizio Romano)
Manager Jurgen Klopp ruala chhuak tur assistant manager Pep Lijnders chu Liverpool engtikah emaw an hnena a kir leh ngei an beisei hle. (Mirror)
Manchester United chuan England defender Harry Maguire chu Everton atanga England defender Jarrad Branthwaite lakna hmanraw pakhatah hman an tum. (Star)
Palmeiras boss Abel Ferreira chuan an club president Leila Pereira chuan Chelsea in 55m euros (£47m) zet senga lak an tum kum 17 mi Brazilian winger Estevao Willian chu dang tlat turin a duh. (Goal)
Ajax in Manchester United manager ni mek Erik ten Hag chu an hnena a kir an beisei ngam tak loh vangin Chelsea boss hlui Graham Potter chu Ajax manager thar ni tura rinkai ber a ni. (De Telegraaf)
Potter hi Liverpool manager thar ni tur Arne Slot hmunruak luaha Feyenoord manager thar ni tura rinkai zual zingah a tel bawk.(Times – subscription required)
Getafe leh Manchester United te chu loan a England forward Mason Greenwood hawh chungchangah an indawr. (The Athletic – subscription required)
Arsenal manager Mikel Arteta chuan an tlarhma thuam chak tuma ngaihtuahna seng mek duhthlan tur a ngah theih nan Juventus leh Serbia forward Dusan Vlahovic lak tumin an ngaihven. (Tuttosport – in Italian)
Liverpool a rawn chetha thar English defender Jarell Quansah-a tan contract thar ruahman mek a ni. (Mirror)
Inter Milan chuan Manchester United leh Arsenal ten lak an tum kum 22 mi Bologna striker Joshua Zirkzee chuhpui ngei an tum. (90 min)
An manager rawih mek Erik ten Hag a chhuak a nih chuan Bayern Munich enkawl mektu leh Chelsea manager hlui ni bawk Thomas Tuchel chu Manchester United manager thar ni thei zingah a tel. (Times – subscription required)
Tuchel hian February thlaah Allianz Arena a chhuahsan tur thu lo puang tawh bawk mah se, German club lianah cham chhunzawm turin a inhawng leh tawh viau thung. (Florian Plettenburg)