Thenzawl Zone Football Association buatsaih Ni 22.4.2024 – 4.5.2024 chhunga Loṭhazawl Football Ground, Thenzawl a Thangzuala Memorial Football Tournament – 2024 khelh chu Inrinni khan zawh fel a ni.
Affiliated & Inviteess Final ah Thangzuala FC, Thenzawl chuan si 3 faia Dinthar FC, Thenzawl hnehin, Thangzuala FC hian lawmman Rs. 30,000 leh Trophy an dawng a, pahnihnain Rs. 15,000/- leh Trophy an dawng bawk. Mimal lawmman Best Player atan Lalnunzira, Thangzuala FC thlan a ni a, Goal 9 khungtu Thangzuala FC stiker Hmingchungnunga chu Top Scorer niin, Golden Glove Award chu Rs. Lawmzuala, Thangzuala FC hnenah hlan a ni a, Trophy leh Rs. 1000/- ṭheuh an dawng a ni.
Veteran ah H. Zohmingliana MFC ten Sport Lovers FC 3-2 a hneha Champion in Trophy leh Rs. 10,000 an dawng a, Under 16 ah Vengthlang in Sport Lovers si 2 faia hnehin an champion a, Trophy leh Rs. 8000 an dawng a, Under -13 ah KH Grassroot FA ten Field Veng si 1 faiin an hneh a, KH Grassroot FA te hian Trophy leh Rs. 5000 an dawng a ni.
Final Closing function Liantluanga Renthlei kaihhruaiiah Donor Andrew Lalrinmawian thusawiin, lawmman a sem nghal bawk.