Queen of Pop Madonna chuan ‘Celebration’ tour kharna neiin, Brazil khawpui Rio de Janeiro-a Copacabana beah-ah show a neih tawha tam ber ni turin mipui maktaduai 1.6 an pungkhawm.
Brazilian musician lar pahnih- Anitta leh Pabllo Vittar te’n hla khat ve ve an sak bak chu Madonna hian hla 26 zet a thlawh a ni.
“Rio, khawvela hmun mawi ber, tuipui kam, tlangram leh Isua (lim) awmna ni bawk hmunah kan rawn inlar e,” tiin mipui lam hawiin a auchhuak a, thawm a tha hem hem hle.
Free concert ni bawk hi 2012 hnu lama Madonna-i’n Brazil-a show a neih leh hmasak ber niin, he hmunah vek hian 2006 khan The Rolling Stones-i’n heti ang deuh thuak mipui kokhawmin an lo inlan tawh.
Rod Stewart-a’n 1994 khan helai hmunah vek hian mipui maktaduai 4.2 kokhawmin khawvela concert chhimtu ngah ber record ropui mangkheng a lo siam tawh bawk.