- Ruata
Mahindra chuan an SUV lar, XUV700 chu a chi thar Blaze Edition an tlangzarh.
Mahindra XUV700 Blaze Edition hi 7-seater variant hrang hrang – AX7 L Petrol MT, AX7 L Diesel MT leh AX7 L Diesel AT awmin a man hi a indawt danin Rs 25.54 lakh, Rs 24.24 lakh leh Rs 26.04 lakh (ex-showroom) man te a ni a. A pangngai aiin special Blaze Edition AX7 variant te hi Rs 10,000 in a to zawk a. He special edition hi 2,500 units chauh an tichhuak dawn a ni.
Mahindra XUV700 Blaze Edition hi a rawng lamah chuan Matte Blaze Red paint scheme pu a duan a ni a. Napoli Black roof, black front grille, black alloy wheels, blacked-out B, C, and D pillars, leh black ORVMs (Outside Rearview Mirrors) a neih te chuan a ti lang ‘sporty’ viau a ni.
A chhung lam chu rawng dum, all-black theme niin red highlight hmanga chei a ni a. XUV700 class sang ber AX7 trim nghahchhana duan a nih angin hmanraw changkang hrang hrang chu a nei kim khawp mai a. Hetah hian ADAS, dual 10.25-inch screen setup (pakhat infotainment system leh pakhat instrument cluster), wireless Apple CarPlay & Android Auto connectivity, wireless charger, leatherette upholstery, air purifier, power mirrors, A and C-Type USB port, panoramic sunroof, cruise control, drive mode hrang hrang, cornering lamp, dual-zone climate control, electronic parking brake, leh auto-folding mirror te kan hmu a ni.
Mahindra XUV700 Blaze Edition hian 2.0L, 4-cylinder turbo petrol engine leh 2.2L, 4-cylinder mHawk diesel engine te duhthlan tur a nei a. Petrol zawk hian 200bhp power leh 380Nm torque a pechhuak thei a. Diesel-ah hian 155bhp power leh 360Nm torque pechhuak thei leh 185bhp power leh 420Nm torque (MT)/450Nm (AT) pechhuak thei te duhthlan tur a awm bawk a ni.