Bollywood star Kangana Ranaut-i’n Amitab Bacchan lar vanglai nena a inkhaikhin hnu-ah beihna a tawk nghal nasa hle.
BJP MP candidate ni bawk hi tunhnaia Mandi, Himachal Pradesh-ah election rally a neih tumin, Bollywood legend Amitabh Bachchan ang maiin hmangaihna leh zahna a dawng nasa hle, a ti.
“Rajasthan a ni emaw West Bengal, New Delhi leh Manipur thlengin ka kalna tawhah chuan hmangaihna leh zahna ka dawng hem hle a, rampum huapin inbarakhaihna a thleng a ni ber.
“Hei hi huaisen takin ka sawi duh.. Amitabh Bachchan hnu lama mimal anga hmangaihna leh zahna dawng nasa ber an awm a nih chuan keimah hi ka ni ngei ang,” tiin Kangana hian a sawi.
A thulak leh kalpui dan hi mi tam takin an ei lova, social media lamah an chuk rawn nasa hle.
Kangan vek hian chhangletin, “Min dodaltute ka zawh lehna chu hei hi a ni.. Big B hnu lama keimah ka nih loh chuan ramchhunga Hindim film kaltlanga hmangaihna leh zahna dawng nasa ber chu ni ta ang?
“Khans? Kapoors? Tunge? Ka hre thei ang em.. Ka lo siamtha ang,” tiin chonna a siam zui nghal.