Chelsea chuan season kal meka an match hnuhnung berah Bournemouth an hmachhawn zawh rualin an manager Mauricio Pochettino hma lam hun tur chungchang sawi hoin, tihchian ngai tihchian nghal vek an tum. (Telegraph)
Arsenal chuan an hnen atanga chhuah tum England goalkeeper Aaron Ramsdale thlaktu tur an zawng a. An si nghak hlui Poland si nghak Wojciech Szczesny lak let an rilruk a. Brighton’ si nghak Jason Steele leh Ajax goalkeeper Diant Ramaj te lak an duh zual zingah an tel bawk. (Standard)
Arsenal hian nipui bazar inhawn hunah Everton leh England goalkeeper Jordan Pickford lak an rilruk bawk. (Teamtalk)
Arsenal manager Mikel Arteta chuan nipui bazar inhawn hunah an squad thuamchak viau a tum dawn a, defender, midfielder leh forward lak belh ngei a tum dawn. (Standard)
Nipui bazar inhawn hunah striker thar an la thei a nih chuan Arsenal chu England striker Eddie Nketiah hralh turin an inhmakhua. (90min)
Chelsea manager hlui Graham Potter chuan Ajax head coach nih theihna hun tha a neih chu a hnar. Potter hi Dutch club lian manager thar ni tura rinkai ber a ni a, mah se Ajax sawmna hi a hnar ta thung. (Athletic – subscription required)
West Ham boss thar tur Julen Lopetegui chuan a club hlui Sevilla rawk a tum a, Morocco striker Youssef En-Nesyri leh Argentina defender Marcos Acuna te West Ham-ah hian hruai luh a tum. (Sun)
Manchester United striker Nikita Parris chuan hlawh tam tak hlawh tura North Carolina Courage in a sawmna a hnar a. Kum 30 mi England international hian FA Cup final-a Tottenham an hmachhawn hunah United tan inlan ngei a duh. (Athletic – subscription required)
Bayern Munich chu an manager hlui, Germany boss hlui ni bawk Hansi Flick chu an manager thara ruat tumin an inrawnkhawm a. Kum 59 mi Flick hian a club hluiah kirin, Thomas Tuchel hmunruak luah a hreh lo ve bawk. (Sky Sports Germany)
Manchester City leh Brazil defender Yan Couto, Girona-ah loan a khel mek chu Bayern Leverkusen, Juventus leh Premier League club thenkhatten an hmutai hle. (Talksport)
Eintracht Frankfurt chuan Liverpool nena sawi zawm Kum 22 mi Ecuador defender Willian Pacho manah 50-60m euros an chhiar. (Sky Sports Germany)
Everton neitu Farhad Moshiri chuan an club lei tuma dawrtute chungah neuh neuh a awm vanga indawrna an neih that leh hnuin tun kar tawp hian 777 Partners nena an inremna an neih tawh chu a titawp dawn. (Football Insider)
Hetihlai hian 777 Parners in Everton lei tuma hma an lakna a tlawlh a nih chuan kum liam taah Tottenham lei tuma hma lo la tawh tu US firm MSP Sports Capital chuan Toffees hi lei an duh a. Everton leh 777 Partners te inthen fel hun an nghak. (Football London)
Newcastle United leh Crystal Palace te chuan 777 group a sproting director Dougie Freedman leh Johannes Spors te an club sporting director ni turin an dawr. (Sky Sports)
Manchester United chuan Atletico Madrid leh Mozambique left-back Reinildo chu lak tumin an ngaihven a, mah se Aston Villa nen an inchuh ngei a ngaih hmel. (Sun)
Manchester City chuan kum 14 mi American midfielder Cavan Sullivan lak an remti a. Major League Soccer club Philadelphia Union atangin kum 18 a tlin hunah City hi a zawm ang. (ESPN)