Bollywood actress Manisha Koirala tan fate Nu nih chu thil theih loh tluk a nih tak vangin a dinhmun leh a chunga thil thleng chu lawm takin a pawm, a ti.
Kum 53 mi, Chhul cancer vanga hun khirh tak tawn hnu-a damchhuak hian hringnun zirlai kha angreng tak a zirchhuah chu heti ang hian NDTV a hrilh:
“Ka nun khawimaw laiah hian hmabak la zawh loh te ka nei. Kan lo upat zel hian thil a nihna tak hi kan pawm a ngai. Thil tum leh beisei tam tak te chuan a tak ram an thleng dawn lo, tih te thlengin! Chuvang chuan, remna siam pui a, pawm mai a ngai thin.
“Heng zingah hian fate Nu nih pawh a tel a, Chhul cancer vei tawh chuan nau pai hi thil harsa tak a ni tawh a, rila rah fanau neih hi a rem lo. Mahse, hei pawh hi inremna ka siampui a, hun kal tawh chu kohkirh emaw siamthat theih a ni tawh lo. Tuna ka dinhmun nena tha thei ang bera awm mai hi ka tih tur chu a ni ta mai.”