Director pahnih inkara tawngkam na taka inbeihna kal mekah Kiran Rao siam, ‘Laapataa Ladies’ film chuan nikuma film hit tak, Sandeep Reddy Vanga, ‘Animal’ film chu streaming app o lian ber Netflix-ah a lehthal chiang hle.
Rao hian budget tlem te hmangin, thingtlang lam background behchhana a siam hi thlakhat chhung lekin view maktaduai 13.8 a nei hman.
Vanga film ‘Animal’ ve thung hi thlakhat chhungin view maktaduai 13.6 a nei ve bawk a, tun dinhmunah phei chuan top 10 atangin a lang tawh lo.
‘Laapataa Ladies’ film hian Animal aiin Top 10 chhunga hmun a luahlum rei zawk bawk a, Top 5 chhungah thuthmun a rem fel sauh sauh a, dinhmun ngaihtuahawm loh takah a ding mek.