Newcastle United chuan England international pahnih lak theih an inbeisei a. Everton striker Dominic Calvert-Lewin leh West Ham forward Jarrod Bowen te chu lak tuma an bengkhawn mekte an ni. (Telegraph – subscription required)
Newcastle chuan Arsenal nena sawi zawm mek Sweden striker Alexander Isak manah £200m dawn thuak an chhiar. (Mirror)
Manchester United in an manager Erik ten Hag an ban a nih chuan Bayern Munich chhuahsan ta Thomas Tuchel chu United manager thar ni tura rinkai ber a ni. FA Cup final khelh zawhah United hian Ten Hag hma lam hu tur an tichiang ang. (Guardian)
Erik ten Hag a chhuak a nih chuan Ipswich Town manager Kieran McKenna chu Manchester United enkawl turin a inhawng. (Manchester Evening News)
Brighton chuan Chelsea hmakhalhin McKenna an rawih theih an inring hle a, McKenna an ruai thei ta lo a nih chuan an mager hlui Graham Potter hruai kir leh an tum ang. (Times – subscription required)
Chelsea chuan an manager hnaruak mek chungchang sawipui thei turin Leicester City hnenah Enzo Maresca dawr phalna an dil. (Talksport)
Nottingham Forest chuan sum leh paia inkhuahkhirhna dan an bawhchhiat loh a, season tharah point paihsak an nih loh nan season tawp hunah an player hralh nual an ngai dawn. (i, external)
Bayern Munich chuan England leh Manchester City defender John Stones an thlithlai chhunzawm zel. (Football Insider)
Manchester City leh England midfielder Jack Grealish chu Bayern Munich hian lak an tum bawk. (Sun)
Manchester City chuan Saudi Arabia lam pan rilruk Brazil keeper Ederson hralh an hreh lo. (90 Min)
Premier League club te chuan Atalanta winger Ademola Lookman an hmutai hlawm hle. Europa League final-ah Bayer Leverkusen laka hattrick hiam Nigeria winger Lookman £30m velin a lak theih a rinawm. (Times – subscription required, external)
West Ham boss thar Julen Lopetegui chuan nipui bazar inhawn hunah an squad siksawi viau a duh a, player paruk vel tal lak luh a tum zingah Wolves centre-back Max Kilman chu lak tura a duh zual zingah a tel. (Guardian, external)
Arsenal chuan Feyenoord leh Netherlands goalkeeper Justin Bijlow an ngaihven a, kum 26 mi hi season tawp ruala chhuak tura ngaih Aaron Ramsdale thlaktu atan an duh. (Telegraph – subscription required, external)
Burnley chuan German club lian Bayern Munich in an manager thar atan rawih an tum Vincent Kompany manah (zangnadawmna) £17m an phut. (Sky Sports Germany), external
Liverpool leh Wales striker hlui Craig Bellamy, kum nga chhung ngawt Kompany-a assistant manager lo ni tawh chuan Kompany hi Bayern Munich ah zui luh a tum ve lo. (Mail, external)
Mauricio Pochettino a chhuah tak vangin Chelsea chu England midfielder Conor Gallagher leh defender Trevoh Chalobah te dawrna dawngsawng turin an inbuatsaih. (Evening Standard, external)
Liverpool chuan Newcastle United atanga England winger Anthony Gordon an lak theih a beiseiawm loh vangin Leeds United winger Crysencio Summerville lam hawi mai an tum. (90 Min)
Manchester United chuan Crystal Palace, France Under-21 winger Michael Olise lak tuma intlansiaknaah hma an hruai. (Football Transfers), external
Aston Villa chuan Brazil midfielder Philippe Coutinho contract tihtawp an tum. (Givemesport)
Nottingham Forest leh England winger Callum Hudson-Odoi chu Tottenham in lak an tum. (Guardian), external
Ajax leh Feyenoord chuan season liam taah Ipswich Town-ah loan a khel Chelsea winger Omari Hutchinson an ngaihven. (Football London), external
Season tawp ruala contract hmang zo tur Brazil winger Willian chu Saudi Arabia ten an hnen pan turin sawm an tum hlawm. (Telegraph – subscription required)