Report thar bera lan danin, Brad Pitt leh Angelina Jolie fate hian an pa nena inhlat an tum ta deuh deuh a, an fanu nuapang ber Vivienne chuan a pa last name pu zui tawh lovin, a paih.
Jolie Pitt te nupa hian fa paruk- Shiloh, Zahara, Vivienne, Knox, Pax leh Maddox te an inenkawl tawm mek a, an nupa inkar buaina, inthenna leh thubuai hlabuai awm reng mai chuan fate ah pawh nghawng na tak a thlen chiang hle.
Heti ang hi a nih vangin Hollywood couple te inkar buaina hian fa te rilru suk thlek leh pawm danah pawh nghawng duhawm loh tak thlenin, a bik takin Brad Pitt laka an inhnukdawk hret hret zel.
Kum 15 mi Vivienne chuan a hming atangin ‘Pitt’ tih chu a paih fel ta hmiah mai a, hei hian thawm a nei ring hle. Vivienne Jolie tih hming zawkin a luahlan chho mek.
Boruak tha lo tak awm mek karah Brad Pitt hian fate tana Pa tha tak nih tum chhuzawmin, fate nena inkar tha turin a bei ve reng, tih theih ni mah se, a tak ramah chuan a fate chhanlet dan hian engnge an thlen chin, tih a chiang mai awm e.