Chief Minister Lalduhoma hoin Mizoram Institute of Advanced Studies (MIAS) dinhmunte thlira sawi ho a ni.
Thawhtannia Chief Minister pisa-a MIAS chungchang sawi honaah hian MIAS tuai thar leh dan turte, tangkai zawka hman zui dan turte leh a kal zelna atana hma lak dan turte chu an sawi ho a ni.
MIAS hi Mizorama multi-disciplinary research institution dinna tura ruahmanna a ni a. A kal chhoh zel dan tur chu chhawng (phase) 4-in chief minister hoin duan a ni.
MIAS hi kum 2013-ah Planning & Programme Implementation Department hnuaia Autonomous Body ni tura bul tan a ni a, MINECO ah office pindan pawh pek a ni a, an hna hmasa tur pawh sorkarin a ruahman sak mah se, a bul tantu sorkar an tlak tak hnuah engmah thawk zui thei loin a awm chho ta a, a hmachhawpte pawh tihlawhtling hlei thei loin a awm zui ta bawk.