Naktuk (June ni 4)-a Lok Sabha inthlanpui vote tla te chhiarna tur Mizoram district hrang hrangah peihfel tawh a ni.
Mizoram-ah vote chhiarna tur counting centre 13 ruahman niin, Aizawl district-ah cou- nting centre 3 a awm ang a, district dang zawngah counting centre 1 theuh a awm ang. Counting hall 40-ah vote chhiarna tur dawhkan 379 ruahman a ni.
Vote chhiar tura ma- whphurhna hrang hrang nei ten training an nei zo fel tawh a. Vote chhiarnaah hian Returning Officer, Assistant Returni- ng officer, counting supervisor, Counting Assistant, Micro-Observer leh hna pawimawh dang hrang hrang thawktu mi 2000 vel an awm dawn a. Security mi leh sa ten counting centre tinah thuah thumin venhim hna an thawk dawn a ni. Zing dar 8 atangin vote chhiar tan a ni ang.
Mamit dist-ah counting hall 3-ah dawhkan 25 ruahman a ni a. Kolasib district-ah counting hall 3-ah dawhkan 31; Aizawl district-ah counting hall 12-ah dawhkan 112; Saitual district-ah counting hall 3-ah dawhkan 28; Khawzawl district-ah counting hall 1-ah dawhkan 14; Champhai district-ah counting hall 3-ah dawhkan 24; Serchhip district-ah counting hall 3-ah dawhkan 24; Hnahthial district-ah counting hall 1-ah dawhkan 14; Lunglei district-ah counting hall 6-ah dawhkan 47; Lawngtlai district-ah counting hall 3-ah dawhkan 39; Siaha district-ah counting hall 2-ah dawhkan 21 te ruahman a ni.