American company hlun leh lar Jeep chuan an SUV hmingthang, India ramah pawh an lo hralh nasat tawh Meridian chu special edition model Jeep Meridian X special edition an tlangzarh.
Jeep Meridian X special edition hi Rs. Nuai 34.27 (ex-showroom) man a ni dawn a, a pangngai chhuak mek Limited (O) variant aiin Rs. 50,000 bawr velin a to a ni. A landanah special edition a nih angin a danglam hret a. A chung hi grey rawng niin a alloy wheel-ah pawh grey accent kan hmu a ni. A chhunglamah hian ir purifier, programmable ambient lighting, side moulding, sunshades, puddle lamps, dashcam, premium carpet mat, leh rear seat entertainment package duhthlan theihin a awm bawk a ni.
Jeep Meridian X special edition hian 2.0L, 4-cylinder diesel engine a hmang a, he khawl hian 170bhp power leh 350Nm torque a pechhuak thei a ni. 9-speed torque converter automatic gearbox nena thlunzawm a ni a. He limited edition SUV thar hi rawng chi 7 – Pearl White, Galaxy Blue, Techno Metallic Green, Brilliant Black, Silvery Moon, Magnesio Grey, leh Velvet Red te a awm a ni.
- Jeep chanchinthar dang
Tunhnaia chanchintharah chuan Jeep India chuan Meridian SUV hi a hmelhmang tlema thlakin an rawn tichhuak thar leh dawn niin an sawi a. Hetah a hma grille te, bumper leh fog lamp chu design thar a ni ang a, ADAS radar module chu a central air intake-ah vuah a ni ang a, a khawl leh a landan tam zawkah chuan an ti danglam dawn lo thung a ni.
Hei bakah hian Jeep chuan an SUV lar, Mizoramah te pawh kan hmuh tam, Compass chu electric model thar kum 2026-a tichhuak turin hma an la mek a. A codename-ah pawh J4U an vuah a, hei hi Stellantis STLA M platform nghahchhana duan tur a ni a. A electric khawl pawh duhthlan tur chi hrang hrang a awm ang a, 98kWh battery pack a hmang ang a, a hma ke phih kal (front wheel drive) leh a ke pali phih kal (four wheel drive) te a nei ve ve dawn bawk a, vawikhat charge full-in km 700 lai tlan thei tura duan a nih hmel bawk a ni.