Member panga- Hanni, Minji, Haerin, Danieele leh Hyein te telna NewJeans chu tunlai hian buaina hnawk angreng taka hnuh luh tumna awm mek vangin dik lo taka an mahni puhna reng reng chu thubuai siamsakin an hmachhawn miah miah dawn.
An mahni uaplumtu company HYBE leh an label CEO Min Hee-jin te inkarah inbeihna na tak a lo awm ve mek bawk nen, NewJeans tan pawh a manganthlak viau thei bawk.
“NewJeans member te laka dik lo taka puhna leh dawt muhluma beihna awm chho mek hi uluk taka enfiah leh vilzui reng a ni a, mahni nihna pawh tarlang ngam lova, tlanchhe paha thil post leh comment reng reng- NewJeans member te hming hliau thei leh dik lo taka puhna te chu enliam a ni lovang.
“Heng mite chhanlet nan Dan-in theihna leh phalna min pek zawng zawng hman a ni dawn a, hetah hian inhriatthiamna emaw inngaihhnathiamna pakhatmah a awm lovang. An chungah Dan anga action na tak lak a ni ang,” tiin thuchhuah an siam.