Khai le, vawiin hian Bon Jovi album 16-na tur, ‘Forever’ chu band-in kum 40 an tlin pualin tlangzarh a ni dawn ta a, kum lamah upa tawh mah se, an reh bik lova, an la thih bik loh thu an sawi.
Zaipu Jon Bon Jovi chuan, “Music thar siam tur hian idea leh ngaihtuahna khaihlak leh tawp titih ang chi hi ka la nei ngai lo. Album ropui tak tak siam chhunzawm zel hi kan duh reng mai a ni,” a ti.
Rimawi khwvela kum 40 chhungzet hlawhtling takin an ding tawh a, karah music genre hrang hrangin tuam hlup hlup reng mah se, an kalphung leh kal dan a sawi danglam lem lova, fan nghet leh ruh tak te nen Bon Jovi hi hmalam an pan mup mup reng.
“I mit hmuh ngeia i hun kal tawh te an lo lan zut zut hnu ah chuan khawvel chhuahsan in, i thih hun a lo thleng ngei ang. Mahse, kan la thi bik love,” tiin fiamthu titak angrengin Bon Jovi hian a sawi.