TB umbo na atana hmalak mekna TB Elimination Accelerator Project hnuaiah nimin khan Ramhlun South mipuite tan Health Camp buatsaih a ni.
Health camp hi Ramhlun south MHIP hall ah neih a ni a, khuh ri atanga TB rinhlelh te hriattheihna Cough AI leh X-ray hmangin TB endikna hi neih a ni a, heng screening atanga TB rinhlelh te hi an khak endik turin sample laksak vek an ni leh dawn a; an khak te hi District TB Centre Falkawn, Kulikawn TB Unit, Civil Hospital Aizawl ah te test tura thawn thin an ni.
TB Elimination Accelerator hnuaiah hian Aizawl khawpui chhungah hmalak hmasak niin, Health Camp hi nimina mi nen hmun 11 ah neih a ni tawh a, hmun dangah neih chhunzawm zel tura ruahman a ni.