Tun thla ni 25-a AMC ward 19-na by election neih tur atana hming pek luh theih hun chu nimin tlai dar 3 khan a tawp a, mi 4 in hming an pe lut.
By election neih turah hian ZPM, MNF, Congress leh BJP party ten candidate an nei a, chung mite chuan nimin khan Municipal Returning Officer hnenah hming an pe a, nomination paper te hi vawiinah endik a ni anga, inhnukdawk duh te tan June ni 10 chawhnu dar 1 thleng hun hawn a ni dawn.
Puan tawh thin angin, AMC ward no 19-na by election hi tun thla ni 25 ah neih a ni a, candidate hming pe lut te hi ZPM candidate Dr. C. Malsawmtluangi, Hlimen veng, MNF candidate Dr. Lalrinzuali Hrahsel, Aizawl Kulikawn, Congress candidate Effie Vanlalhmangaihi, Venghnuai leh BJP candidate Pi Pi K. Vanlalruati te an ni.