Kum 2021 atang tawh khan Shah Rukh Khan-a’n media chu hmelma ang maia ngaiin, a hmachhawn duh thak tawh lova, hei vang hian inrinsiakna a tam phah hle.
A chhan ni thei awm sawi hrang hrang zingah hemi kuma a fapa Aryan Khan man a nih a, media lamin an umzui danah a lungawi thei lova, an lakah hian a rilru a na hle, tih a ni.
Camera hmaa inlan chu thih hrehin a hre emaw ni tih mai tur a ni a, nihliap nen te a inphen a, thiltih hona leh puipunna hmun pawimawh angah te pawh media hmuh theih loh turin emaw an hnaih ah emaw awm duh lovin, a hlat ngar ngar thin.
Tarlan tawh angin, October 2021 khan Cruise lawng pakhat atrangin Aryan hi ruihhlo te nen man a ni a, ni 22 chhungin police-in an kawl.
Shah Rukh Khan hian Jail-ah a fapa a kan a, mipuiin tharum nen an nawr buai ni berin a hriat theih. A hnu-ah a fapa Aryan hi chhuah zalen niin, thubuai an siam tawh zawng zawng pawh hlih vek a ni.
Mumbai-a inkhuar paparazzo hriathlawh Varinder Chawla chuan Shah Rukh Khan hi media lakah a thinrim hle, niin an sawi.
Kum thum a liam hnuah media a hmachhawn duh ngai lova, eng emaw hun bik pawimawh tawpkhawkah a lang emaw chauh a ni a, heti taka media laka a lungawi lohna leh thinrimna hi sawi fiah thiam a harsa a, an chhungkaw chunga thil thleng hrehawm tak khan tun thleng hian engemaw chen a la umzui a, an mangan vawrtawp laia media tam takin an chuk rawn dan kha a thinrimna tizualtu a ni.