Aizawl: School Education Minister Dr Vanlalthlana’n Inrinni khan Mizoram Civil Pensioners Association, Ramhlun North Branch in Silver Jubilee an lawm chu a hman puiin, Silver Jubilee souvenir magazine a tlangzarh nghal.
Ramhlun Indoor Stadium-ah jubilee lawmna inkhawmah bialtu MLA ni bawk, Dr Vanlalthlana chuan pensioner-te chu chhungkua, khawtlang leh ram leh hnam tana mi pawimawh tak an ni tih hriain, an tawnhriat chu mi dang tana hmang tangkai zel turin a chah a. Sum peipun uar a tul rualin, a pung tam ringawt um lo a, fimkhur taka sum enkawl an thiam a tul thu a sawi.
Mizoram Civil Pensioners Association in Silver jubilee an lawmna inkhawmah hian an member thi ta mi 102 sunna hun an hmang a. Hruaitu hlun chawimawina hun hman ni bawkin, Ramhlun North Branch President leh Secretary ni lai mekte hnenah chawimawina hi hlan a ni.