Social media influencer lar Miranda Derrick leh a pasal James ‘BDash’ Derrick te’n thah a vauna an dawng ta. Netflix docuseries Dancing for the Devil: The 7M TikTok Cult’ nghawng na tak an hmachhawn mek.
Instagram video kaltlangin Miranda hian he docuseries tihchhuah a nih atang khan a tha lo zawng leh ngaihthlak hrehawm zawngin thu leh hla an dawng chho zut zut, a ti a, cult pakhat- 7M pawl te nena inzawmna nei nia an nupa sawi kai an nih hnu-ah boruak rit tak an tawngbaw zui ta a ni.
“Heti ang content hi ka siam zen zen lova, mahse tlang taka sawi leh tarlan hi tha ka ti. He documentary tihchhuah a nih hma kha chuan ka pasal nen hian him takin kan awm, a tih theih. Tunah erawh chuan documentary a lo chhuak ta a, nun hlauhawm takah kan inhlangchho ta,” tiin Miranda hian a sawi.