Taylor Swift leh a rimawi hian fan te chungah thil mak a thlen fo tawh. Tunhnaia Australia-a neih zawh tak Era Tour-ah pawh khan kum 31 mi naupai nu pakhat chu zai leh lamin hun a hman tuk maiah naute duhawm tak a nei.
Canberra, Australia-a cheng Jenn Guiterrez chu Melbourne-ah thlawklutin, zaithiam a tih ber mai concert chhim turin a kal a, karhnih hnu lama nau nei mai tawh tur ni mah se, stage-a Taylor Swift inthehthil vel hmuh loh chu engtikawngmahin a thei lo.
A pasal Michael Sin leh a pianpui unau phir te nena darkar khat vel show an chhim hnu chuan Jenn hian nau a vei tan titih der mai a, heti chung hian zai leh lam a thulh phah lem lo. Kar lovah ding thei leh kal thei a ni ta lova, mahse mak angreng takin hotel an thlen hnu-ah nauvei a chhunzawm ta miah lova, a tukah an In lam panin a thlawk haw.
Cocert a chhim atanga ni reilote ah fanu duhawm tak a nei zui ta a ni.