Bollywood actress Tanushree Dutta chuan actor Nana Patekar laka thubuai hlabuai hlin theihna thar nen a umzui.
Dutta hian 2008 daih tawha film an channa hmun pakhata Nana chet dan chu mipa hmeichhiatna hmanga inchhaihnawmnah bakah intihnat tumna dik tak nia sawiin, ‘Horn Ok Please’ film an siam lai zawngin kawng hrang hrangin a tibuai thin, a ti.
Thil pakhat a sawiah chuan actor pakhat chauh nena hla shot-na turah Nana hi set-ah a awm ve reng thin a, Cine & TV Artist Association (CINTAA)-ah 2008 khan lungawilohna thlen mah se, an ngaihsak zui lova, criminal case a ni chungin action lak a awm lo.
“Vawi khat phei chu Nana Patekar hian MNS party te phungbawmah sawmin ka car tichhe vek turin a lo fuihpawrh a, ka chunga thil thleng phenah khan a inrawlh thuk hle,” tiin a sawi.
Khatih laia Dutta puhna khan ramchhungah “Me Too Movement’ nasa tak thlen nghalin, hmeichhia te laka hleilenna dodalna leh a tuartut ‘voice’ ngei mai hriattur a awm chho.
Amaherawhchu, political group lian tak tak te, fan leh supporter te’n veteran actor Nana thlavang an hauh bur si vangin a kal vung tak tak thei lo.
Dutta hian a tawpah acting chawlhsanin, America-ah a inbengbel ta a ni.