MRB Branch 105-na, Luangmual Branch chu nimin khan Dr Renu Sharma, IAS, Chief Secretary chuan Sheryl L Vanchhong, MRB Chairman leh mi pawimawh hrang hrangte hriatpuinain Luangmual, Aizawlah a hawng. Luangmual Branch hi Luangmual leh a chhehvela chengte tana chhawr theih leh ṭangkai tak ni tura beisei a ni.
Dr Sharma chuan Mizoram Rural Bank hi September 27, 1983-a din a nih aṭanga hma a sâwn dante leh kum 40 chhunga branch 105 ngawt mai hawn a ni theite chu ropui a tih thu sawiin, Luangmual leh a chhehvela mipuite chu hmasawnna an neih theihna’na bank branch hawn thar chu chhawr ṭangkai turin a chah.
Chief Secretary chuan sawrkar laipui scheme hrang hrangte tihhlawhtlinna leh financial inclusion atana theihtawp MRB-in a chhuah ṭhin chu lawmawm a tih thu a sawi bawk.