Maharashtra sorkar chuan probationary IAS officer Dr Pooja Khedkar chu thuneihna hmang dik lova, lal hrawt nia puhna chu ngai thutak hle in, Pune atangin Washim-ah a sawnchhuak.
Washim-a Assistant Collector thar ni ta hian Pune-a a awm laiin, probation officer tana phal loh leh theih loh inhaivurna, lal hrawtna leh uchuak taka invaivung kalpui nasa hman hle.
A private car Audi-ah red-blue beacon light a chhit bakah VIP number plate a vuah a, chumai ni lovin ‘Maharashtra governmnet’ board a dah bawk.
Khedkar vek hian deman fair lo tak tak a siam a, official car- VIP number plate, accomdation, official chamber thlengin a ruahman nasa hle. Staff a lak belh bakah constable a thun bawk.
Rules angah chuan trainee te reng reng hi a chung tarlan- hamthatna hrang hrang pek an ni ngai lova, gazetted officer-a ruat an nih hmasak ngei a ngai.