- Lallunghnema, Charity Lodge
Chibai tha ber ka bûk a che u.
Consumer Huang chhiar thintute leh min lo hlut saktute leh thurâwn min pe thintute chungah ka lawm hle a. Lawmthu ka sawi a ni.Kan buaipui ber zinga mi consumer grievances pawh a lo lut ve reng mai! Mi hmai sa tawn hi a peihawm lo!A tul si! CONSUMER WhatsApp Gr.pawh a lian ve zel dawn! He Group hi kan hman tangkai hle ka beisei.Finna tuikhur ni mawlh rawh se.
Ka article chhuak hnuhnung berah khan Thlai thar leina man inbatsak thu a ka message hmuh ka rawn tarlang a. Kha thil kha tihfel a harsa hle mai. Thlai man batsaktu kan be tlang thei lova; biak tlang theih se chuan tihfelsak theih turah ka ngai a. Mahse, a ‘contact’ theih tlat lo hi kan, ‘mu tan,’ a ni.Hetiang thil hi ka tawng ( experienced) nasa hle tawh nghe nghe a ni. Thlai man leh zel inbatsak a, inpêk duh loh hi a tha lo hle a, a kristian lo hle a ni. ‘Nang chuan thlai man ba ve reng reng suh’.
Thlai neitu Pi Marovi hi ka khawngaih hle. Mi rinawm lovin an bum a a ni a. Ama thar pawh ni lo, khar chhawnga ei zawng a ni a, a khar chhawng leh tuin pawisa pe mai tur ang a insawiin a batsak a.Chu thlai thar man chu chhuanlam fahrah tê tê hmangin a pe thei lova, tun hun hi an lo thleng ta a ni.Pi Rovi hi a khawngaih thlak êm êm a ni.
Hman ni lawkah Kawlphe tha(Power&Electricity)hman chungchanga keini an consumertena kan hriat tur ngawi ngawih ka nau duh tak, consumer -te tana insâwr chhuak mêk, tha hnem mi ngaih puitu Asst. Prof. Laldinpuia,Consumer activist tha êm êm Serchhip College Rabi, ziah chu ka rawn khar chhawng a.Kha thil kha lo tangkaipui lul teh u.
Chhungkaw pa ber, chhungkaw nu ber electric bill dan hre lo kan tam lutuk! Lehkha zir sang, hawi her zau inti, ti ti sang tak tak vawrh thin, electric bill chungchang hre miahlo te hi a tam zawk kan ni. Consumer Right phei chu hre tha duh miah lo, harsatna neih ve leh a, Consumer hruaitute pun ching mihring tam zawk hi kan ni. Officer leh MLA zingah Consumer knowlegde nei miah lo an tam hle.
Hman ni lawk a ka message dawn hi ka rawn chhawp chhuak leh dawn a ni.
“Sir, i puihna ka mamawh a, ka rawn be tawp che.
Dawr nei a sumdawng thin ka ni a, 21/6/2024 khan Christian Hospital Serkawn-ah damdawi ka thawn a, Invoice amount hi Rs 19800/- a ni. Tichuan, vawiin (28.June.2024) thleng hian an la dawng lo a. Hannah Courier a thawn ka ni a, anni hian kan deliver an tia, Hospital lam hian kan dawng lo an ti bawk si. A courier hian proof of evidence an nei lo bawk. Tin, tun tum hi vawi 3 kan bungrua min tih chingpensakna a ni tawh bawk. Bo ringawt tur chuan a uiawm tham ve si a, engtia hmalak tur nge min guide theih chuan a lawmawm hle an ‘. – Hmingthup.
Hetiang case hi deficiency in service a ni a. Section 2(11) Consumer Protection Act 2019 – ah kan hmu a. Bungraw kim lo, tihchingpen a ni a, service tha lo, service kut tling lo a ni a. Sec 39 (1) (a-k) CPA 2019 ah chuan Dan bawhchhetute chu Consumer Commission -in a hrem theih thu tarlan a ni bawk a.
Chuvangin bungraw inchahsak, dik lo, fel hlel, kim lo, hmel hem leh bungraw bo ang chi ah te hian a mawhphurtu chu opposite party- te an ni a. Tuna kan sawi mek bungraw phurh thlen leh thlen loh thuah chuan a phurtu leh a dawngtu inkar thu a ni a. Courrier leh a dawngtu turte an inbiak rem a ngai dawn a ni.
Engpawh ni se, bungraw chahte, bungraw thawnna ah te hian Voucher etc. neih thlap hi a him ber zel a ni.
Hei hi ka zep leh hrâm dawn a ni!
Heti hi a ni a, www Bar&bench.com.in a tarlan danin Delhi Consumer Court (Court hi sawi dan mai a ni.Commission tihna a ni a,Commission tih hi Officiala a hming dik tak zawk a ni tih hria ila–llh)chuan an customer pakhat Jasmeet Singh Puri laka an chet mawi loh a angin Airtel Company Limited chu cheng nuai nga(Rs 5 lakhs)a chawi tir.He Complainant hian phone bill bâ pakhat mah a nei lo chungin Airtel Coy Ltd-a thawktute hian phone call hmangin phone bill ba chu tlâk(clear ) thuai turin an tur(hrilh) chhên mai a.Ninawm khawpin an bia a ni âwm e. Ani,he an customer hian phone bill bâ a nei hauh si lo!
Tichuan, Delhi State Consumer Disputes Redressal Commission hnenah zualkovin a khing ta a ni.Delhi State Commission hian ngun taka, a ngaihtuah hnuin Deficiency in Service a awm ngeiin a hria a.The Consumer Protection Act 2019 bawhchhiatna a tel bawk a ti a ni. Hetiang hian dimna awm miah lovin mobile company hi a lo hrem ta a ni.(Airtel Company Limited vrs Jasmeet Singh Puri) Mizoram pawna thil thleng pawh ni se,kan inchhiar bengvar tul a ka hriat avangin ka han zep tel hrâm a ni e.
Consumer,harh chhuak rawh.
Right i nei,
Justice i nei!
Huaisen rawh.
Intichak rawh!
Tlan chhe suh.
Hawihawm hle bawk rawh.
Insum rawh!