Nimin khan Aizawl Municipal Corporation Ward No VI by election neih tura ZPM official Candidate H. Lalremtluanga chuan Mark Lalthanliana, MCS, Additional Deputy Commissioner, Aizawl hnenah nomination a file a, ZPM General Headquarters leh ZPM Aizawl North III Block hruaitu thenkhatten an tawiawm.
H. Lalremtluanga chuan, hun lo taka Pu John Zosangliana’n chatuan ram min pansan chu pawi a tih thu a sawi a, Pu Johna’n Ward VI tana hma thlir a lo neihte leh a ruahmannate chhunzawm sak tur leh sawrkar tha chakna hmanga Ward – VI tana hmasawnna, rotling leh chhenfakawm a tam thei ang ber siam turin Pathian chakna ring chunga ding a nih thu a sawi bawk.
Vanduaithlak takin AMC Ward No. VI Corporator John Zosangliana chu ni 21 March, 2024 khan a boral a, a hmunruak hnawhkhat tur hian AMC by election hi neih a lo ngai ta a, by election hi ni 22 August, 2024 a neih tur a ruahman a ni.