Celine Dion-i team te chuan US President hlui Donald Trump-an presidential campaign-a phalna nei lova ‘My Heart Will Go On’ hla clip a hmang chu nasa takin an sawisel a, an thinrim hle.
He hla, ‘My Heart Will Go On’ hi 1997 kuma tihchhuah Titanic film-a hla lar tak niin, tunhnai mai khan Bozeman, Montana-a rally neihah play niin, supporter ho hmaa dawhsana Trump a inlan lai takin an play a ni.
Social media kaltlanga thuchhuah siamah Dion team te chuan he hla hman phalna emaw remtihna pakhatmah a awm lova, Dion ngei pawh hian a ‘endorse’ reng reng lo, tih a ni.
Heti ang deuh tho hian zaithiam/band lar tak tak- Neil Young, Queen leh Rolling STones te chuan campaign rally hrang hrangah Mr Trump-a’n a hmang thin chu an duh loh thu leh an pawm theih loh thu an lo sawichhuak tawh.