Mariah Carey chu live performance a neihnaah hrehawm tih hriat ngawih ngawih a, a tap lai hmuh a nih vangin fan te ngaih a tha lo hle.
The Celebration of Mimi, Las Vegas-a inlan popstar hian 1991 hit, ‘Make It Happen’ hla laihawl vel a sak laiin, amah leh amah insiamrem in, awm nuam lo nia a inlan bakah a tap ni ngeia a lan vangin fan te rilru a nuam lova, inrinsiakna nasa tak a thleng zui nghal.
Social media lamah pawh Mariah Carey awmdan in sawizui a hlawh hle a, ngaihdan leh hriat dan lah a inang lo narawh.
User pakhat chuan, “Eng emaw tak hian a tibuai ni berin a lang. A chhan hre lo mah ila, a mittui kothla a, tituiraltu eng emaw tak chu a awm chiang a ni,” a ti.