Nimin khan BJP Ṭhalai te huaihawtin, Har Ghar Tiranga puala Bike Rally neih niin, Dr K. Beichhua, MLA, State Core Group Member-in Flag Off a nei a, Bike Rally neih zawhah BJP State Office, Mipui Rûn ah inkhawm tawi neih niin, Vanlalhmuaka, State President-in lawmthu sawina hun a nei bawk.
BJP Mizoram, State President Vanlalhmuaka chuan, “India ramin zalenna a hmuh kum 77-na lawmna atana BJP Yuva Morcha te hawihawta India ram hmun hrang hrang te’n Zalenna lawmna Two-wheeler Rally an neih rualin kan nei ve thei hi a lawmawm hle a, Two-wheeler Rally-a kal zawng zawngte chungah lawmthu kan sawi a, vawiina Rally kan neih hian India ram inpumkhatna atan leh Mizoram ah ngei pawh inpumkhatna ṭha zawk kan neih zel theih nan te, zalenna hlut zia kan hriat nan te, he kan hun hman hian min hriat nawn tir se a duhawm hle a ni,” a ti.
Dr K Beichhua, MLA chuan, “Vawiinah hian India ramin zalenna a neih lawmna pualin Bike/Two-wheeler Rally kan huaihawt a, India Flag hi tun hma chuan Sorkar hmun pawimawh ah leh Official thil ah chauh hman ṭhin a ni a, vawiin ah erawh Pu Narendra Modi chuan In tinah India Flag tar turin min ti a, India Flag nen Two-Wheeler Rally hial kan lo neih phah ta a ni,” a ti bawk.
Har Ghar Tiranga puala Two-Wheeler Rally neih ah hian Member ṭhahnem takin kawng an zawh a ni.