August 14, Nilai zan khan PGE Narodowy, Warsaw, Poland-ah UEFA Super Cup khelh a ni a. Champions League champion Real Madrid chuan Europa League champion Atalanta an hneh a, a vawi ruk nan UEFA Super Cup-ah an champion.
Atalanta lakah chak tura rinkai Real Madrid hian beisei angin goal an thun hma thei bik lova, goal thun turin second half an nghah thlen a ngai. Chawlhlawk hnu lamah erawh goal an thun ta thuai thung.
Minute 59-naah Federico Valverde chuan hmahruaina goal a thun a. Minute 68-naah Kylian Mbappé chuan a club thar tana a goal hmasa ber thunin Real Madrid chakna a nemnghet a, an champion zui ta a ni.