India ram ropui takin zalenna a hmuhna ni, Independence Day Vawi 78-na chu nimin, August 15, 2024 (Ningani) zing dar 8 khan Gauhati High Court, Aizawl Bench, MINECO-ah lawm a ni a. Justice Nelson Sailo, Judge, Gauhati High Court chuan India Hnam Puanzar pawt parhin 225 Battalion CRPF te chibai buk a chhanglet.
He ni pawimawh tak hi Gauhati High Court Judge, Justice Marli Vankung in a hmanpui thei a. Dr. H.T.C. Lalrinchhana, Registrar, Gauhati High Court, Aizawl Bench bakah Aizawl Bench-a Registry Officers leh Officials-te, Helen Dawngliani, District and Sessions Judge leh Aizawl District Court-a Judges-te, P. Singthanga, Presiding Officer, Fast Tract Special Court te, Gracy L. Bawitlung, Member Secretary, Mizoram State Legal Services Authority, Samuel Vanlalhriata, Additional Advocate General Mizoram leh Government Advocates te an tel theih bakah, Mizoram Bar Association hruaitu te, President A.R. Malhotra hovin an tel thei bawk.
India ram in ni pawimawh tak kan neih te hi Gauhati High Court, Aizawl Bench chuan urhsun takin kumtinin an hmang thin a ni.