- Ruata
Mahindra chuan an lifestyle offroader SUV lar Thar huangah a chhuak thar, mihring phur hnem thei zawk leh bungraw dahna zau zawk nei Thar Roxx an tlangzarh.
Mahindra Thar hi kan hriat angin 3-door version, a body tawi leh a chhung zim tak chauhin, offroad SUV ngaina te tan tihchhuah thin a ni a. Tunah hian 5-door version a lo chhuak ta a. A hnunglamah kawngka dang a awm belh bakah a chhung a zau ta viau mai a. Hmanraw changkang leh tunlai tak takin an rawn thuam tawh bawk a ni.
Mahindra Thar Roxx hi a chhunglam pawh a hmaa mi nena khaikhin chuan a rawn changkang tawh viau mai a. Kentel hrang hrang – a chhung dual-tone Black & White theme, dual HD screen setup bakah 10.25-inch touchscreen infotainment system, Harman Kardon sound system leh 10.25-inch digital driver’s display kan hmu dawn bawk a. He Thar tharah hian panoramic skyroof duhthlan tur a awm bawk a ni.
Mahindra Thar Roxx-ah hian khawl chi thum duhthlan tur a awm dawn a. 162bhp/330Nm pechhuak thei 2.0L turbo petrol, 175bhp power pechhuak thei 1.2L turbo petrol, leh 152bhp/330Nm pechhuak thei 2.2L diesel te a awm dawn a ni.
Mahindra Thar Roxxx-ah hian a hmaa Thar chhuak thin nena khaikhinin grille thar, 19 inch diamond cut alloy wheel, hard top thlawn theih leh thil dang dang kan hmu a.
Himna lamah Thar Roxx hian airbag paruk, braking locking differential, electronic stability control, three-point seat beltte a nei a. Intelli Turn Assist, Crawl Smart Assist leh multiple terrain modes a nei hian kawng chhengchhiaa tlan atan a lirthei a thuam tha zual hle a. 3-door Thar nena khaikhinin a thar hian approach, departure leh ramp-over angles tha zawk, a indawt danin 41.3 degrees, 36.1 degrees, leh 23.6 degrees te a nei a ni.