- Lallunghnema, Charity Lodge
“Good morning!
Vawiin hi ni pawimawh tak, ‘bazar ni, Inrinni tuk a ni a. Consumer Right champion – pui hun a ni. Fimkhur takin bazar la, uluk takin thil lei tur bel chiang hmasa rawh. Hawih hawih hâwm takin thil zuartute chu va dawr thin ang che”.
“Consumer – te tan Inrinni hi, ‘ni sakei, ‘ a ni. Inrawk nî, retheite neih chhuhsak nî a ni”.
“Thil leitu chu lei lovin a awm thei a, thil zuartu chu hralh lovin a awm thei lo”.
” Khualzin tel lovin Bus a service ngai lo. Khualzin tel lovin Sumo a service hek lo”.
“Motor leh Driver a then hran theih loh”.
” Driver tel lovin motor a tlan thei lo. Motor tel lovin Driver a nih theih loh”.
“Driver hlawhtlinna chu consumer-te an ni”.
“Consumer Right hriat hi finna bul a ni a, “Consumer Right hi hriat hi rual pâwlna a ni”.
“Consumer Awareness nei lo chu mâwlna chi khat a ni”.
” Consumer lehkhabu chhiar la, tui takin i mu dawn nia!”.
“Seller-te i hma chhawnin zâm suh la, hlau hek suh. Thianah siam zawk ang che”.
” Sumdawngho thian tha ber chu Consumer te an ni a,an tana hlauhawm ber chu Consumer – te tih thinrim a ni”.
“Sumdawng fing chu an inphah hniam a, thil leituten an bawr nasa zual thin”.
” Kan hohute inti thain in hnathawh a ropui hle mai. Kan ram tan, reitheite leh ngaihna hre lote tan malsawmna lo ni zel teh u. Tawngtaiin kan lo pui ve zel ang che u”.
“Hetianga sumdawng, Dawrkai leh Retailer te an lo huang tau zel chuan volunteer kan la din a ngai ang” .
“Serchhipah chuan kudam a an buk laite hi kan lo enpui thin a. Video te in kan la a, a dik loh chuan media lama pek leh hotute hnena thlen kan tum thu kan sawi thin. A chhiat pawhin a siamthat dan kan ngaihtuahpui mai thin. Hmun tam takah chuan a chhe thin khawp mai. He mi hnu hi chuan 10 Kgs – ah ½ Kg a tling lovin an bûk thin a. A aia tam an buk tlin loh chuan Legal Metrology – te nen manin kan chawitir thin. Hetia kan tih hi kum rei tak a ni tawh “.
“Buhfai hi a buaithlak thin khawp a ni ang. A hmun atangin dik takin phurhchhuah hi a har em a lo nih dawn hi! Retailer ten Godown atangin a buk dik takin an la chhuak thei bawk si lo”.
” Keini Hnahthial lamah chuan Consumer hruaitute zarah DCSO, Retailer – te nen insiam remin a bag- in pek chhuah hum hum khap a ni a, buk vek tur a ni. Tin, Retailer – ten a dik takin buk se, an chawi thei tih a ni bawk a, Chuvangin 10 Kg turah buk dik takin 9 Kg hi an buk a (10 Kg – ah 1 Kg an cut a nih chu). 10 Kg man erawh kan pe thung. Chutiang chuan mipuiten buhfai hi kan la a, digital weight vek an hmang bawk. A khât tâwkin check a ni thin bawk. Kan vannei hle.
Gas pawh consumer hruaitute hmalaknain Home Delivery kalpui a ni a. Mahse mamawh hun hunah booking (missed call) kan ti a, ni 10 chhungin an lo dah loh chuan kan complain leh mai a. Mahni in lum atangin Gas pawh kan la thei ta. Chutihlai erawh chuan Agency lam ten mipuiteah buaithlak tih leh eng emaw harsatna siam an bang chuang lo. Mipui/Consumer – te kan tanrual that chuan kan dikna kan chang ve thei zel e.
Keini lam chu Consumer hruaitute thawhrimna a zarah Gas leh Retailer – ah buaina lian tham tak kan tawk nep ta deuh. Kan vannei hle”.
Hei hi in lo inzir theih beiseiin ka han hrilh leh ang che u.Ngun takin lo chhiar teh le.
Sumdawng chapo nen: Tuk khat chu Ph.d zirlai pakhat hian a iPad siamtir chungchanga a lungawi loh thu min hrilh a.Kei a kar a min pantute hi ka ti thlawn ngai lova.Kan ina lo kal a duh bawk avangin a harsatna chu kan sawi dun ta a.Hei hi thil awmdan chu a ni.
IPad hi july thlatirah siam turin a siamna Dawrah a dah a.Anni hian an siam theih tur thu an hrilh a ni.Mahse,thla khat leh a chanve zet an kawlsak hnuin an lo siam tha thei reng reng lo mai a.”A lak theih,” ti siin an lo siam tha thei i khaw lo mai a.An tihchhiatsak zawk a, an intiamna chu a tlawlh a,awmzia a nei lo.Thla khat chuang an lo kawlsak a,chu bakah tawng kam bungrua chhe tak tak hmangin an lo chhang a.He tlangval tan hian a thin nat thlak hke a.Chuvangin an cho ang ngei chuan Consumer Commission hnenah complaint a filed ta a ni.Kei nen pawh he sumdawng pa nen hian kan inchhâng lawk nghe nghe a ni.”Consumer Court ka hlau lo,” a ti pung pung ngam hi mak ka ti khawp mai.An la hria ang chu.Tun lai chhanah mi an fing tan tawh,keini a hming a activist-te pawh hi miin min ngai pawimawhin eng ual ni lo mah ila, min lo ngai thu tak thin hi a ni a.He pa hian chaltlai takin min lo chhang pung pung ngam nia maw le!
Tun atan chuan tawk rih phawt mai teh se. Chawlhkar lo awm hmasa ber Thawhtanniah kan ti tî leh dawn nia!
I thil lei chu zir chuang hmasa rawh.Cash memo lâk theih nghilh suh.
- Join Centre For Consumer Education Centre for your cause!