Napoli leh Nigeria striker Victor Osimhen-a’n hlawh a phut san vangin Chelsea chuan lak an hreh thar leh deuh a. Blues hian Everton leh England striker Dominic Calvert-Lewin chu man tlawm deuh zawka lak dan kawng an dap. (Sun)
Juventus chuan Manchester United hnenah Jadon Sancho an la lut a nih pawhin a hlawh then a zar tumsak ve turin an ngen. Manager Erik ten Hag nena inhmuthiam lo Sancho hian chhuahna tur a melh a, a hlawh tam lutuk hi club tam takin lak tuma an dawr loh chhan a ni. (Gazzetta dello Sport – in Italian)
Arsenal chuan Real Sociedad atanga Spain midfielder Mikel Merino an lak luh fel hunah striker lak tur an dap leh nghal dawn. (Mirror)
Armando Broja-a’n Chelsea atanga loan a Ipswich a zawm chu kum 22 mi Albania striker hian hliam a lo nei tih hailan a nih vangin a tlawlh teuh ther ther hle. (Sun)
Porto chuan Atletico Madrid atangin Spain striker Samu Omorodion chu £12.7m sengin an la fel. Porto in an lak hma lawk hi Chelsea chuan Omorodion hi £33.9m zet sengin lak an tum a, an hlawhchham. (Athletic – subscription required)
Nottingham Forest chuan Villareal atangin Arnaut Danjuma lak an tum a. Kum 27 mi Netherlands forward hian a loan a Nottingham zawm ai chuan a ngheta zawm nghal law law a duh. (Football Insider)
Leicester City chu Genk nen Morocco attacking midfielder Bilal El Khannouss chungchangah an indawr a. Genk chuan kum 20 mi manah hian £17m tal tel an duh. (HITC)
Chelsea midfielder Tino Anjorin, chuan tawngkain Serie A side Empoli zawm a remti a. England Under-20 international hlui hian free transfer in Empoli hi a zawm ang. (Fabrizio Romano)
Real Madrid leh Brazil forward Vinicius Jr chuan Saudi Pro-League atanga sawmna mawm tak a dawn chungchangah thutlukna siam hmanhmawh chuk chuk a tum lova, tun season chhung hi in ngaihtuah nan hun hman a tum. (ESPN)
Everton forward Neal Maupay chuan an lam lamah kirin Ligue 1 team Nice zawm a duh. (Nice-Matin via Get Football News France)
Brentford chuan £10m sengin Gremio winger Gustavo Nunes an la fel thei tep tawh. (Sky Sports)
Napoli leh Manchester United te chu Scotland midfielder Scott McTominay chungchangah an indawr. (Sky Sports)
Manchester United chuan Under-17 World Cup-ah Mali tana chetha tak kum 18 mi midfielder Sekou Kone chu an la fel thei dawn a. Guidars FC atanga lak nan hian £1m bakah bonus neuh neuh a awm teuh dawn bawk. (Fabrizio Romano)
Athletic Bilbao winger Nico Williams chu Arsenal in nipui bazar laia an lak tum ber ni bawk mah se Gunners hian kum 22 mi beidawnsan mai an tum. (Independent)
Loan a hawh an dilna Arsenal in an hnar hnuin Southampton chuan England goalkeeper Aaron Ramsdale chu lak tuma dawr leh ngei an tum. (Mail)
Porto leh Arsenal te chu loan a Portuguese midfielder Fabio Vieira hawh chungchangah an inrem. Kum 24 mi Vieira hian July 2022 khan Porto atangin Arsenal a zawm a, Gunners-ah hian kum 2027 thleng contract a la nei. Arsenal ah beisei anga hmun a chan tam theih loh vangin loan in Porto lamah a kir leh dawn. (Mail)
Brighton chu Fenerbache nen Turkey winger Ferdi Kadioglu man leh mualah £30m in inremna an nei thei ta a. Kum 24 mi hian Fenerbache zawm fel turin medical test a hmachhawn zui thuai ang. (Ajansspor – in Turkish)
West Ham leh Italy defender hlui, club vawn nei lova awm mek Angelo Ogbonna chuan nipui bazar inkhar hma ngeiin Championship club Watford zawm a tum. (Watford Observer)
Aston Villa chu Bologna nen kum 20 mi English winger Samuel Iling-Junior loan a hawh chungchangah an inrem. (Fabrizio Romano)
England forward hlui Mason Greenwood chuan ram tan a khelhna thlakin Steve McClaren enkawl Jamaica tan khelh a tum. (Sun)
Liverpool hian Real Sociedad leh Spain midfielder Martin Zubimendi an lak theih loh hnuin Atalanta leh Netherlands midfielder Teun Koopmeiners lak an tum leh dawn. (Teamtalk)
Hull City leh Colombian striker Oscar Estupinan chu FC Juarez zawm turin Mexico-ah a thlawklut. (Hull Daily Mail)