Bollywood star leh BJP MP ni bawk Kangana Ranaut chu September 9, 2024-a tihchhuah tur a channa film, ‘Emergency’ chungchangah thah a vauna dawn vangin police puihna dil a ni.
India PM hlui Indira Gandhi lem a chang tur hian trailer tihchhuah a nih phat atangin vauna a dawng nghal chat mai a, boruak a rit chho nghal hle.
Social media lamah thawm a ring a, Vicky Thomas Singh an tih chuan tlang takin vauna dengkhawng tak chhakchhuakin, Kangana hian police puihna a ngen nghal.
“Movie-ah hian Jarnail Singh Bhindranwale (Khalistan miltant thah tâk) chu firfiak anga tarlan anih chuan, Indira Gandhi chunga thil thleng kha hrereng ang che,” a ti.
Hei bakah hian tawngkam ngaihthlak nuam lo leh hrehawm tak a chhakchhuak tel bawk.