August 27, Thawhlehni khan Tuikual Indoor Stadium-ah Mizo Zirlai Pawl (MZP) leh Mizoram Volleyball Association (MVA) te tangkawpin an buatsaih Inter Higher Secondary School Volleyball Competition 2024 khelh tan a ni. Inelna neih tan niah champion lai KM HSS an chak nghal.
Inter HSS Volleyball 2024-a inkhel hmasa berah Golden Harvest HSS chuan an khingpui Khawbung HSS chu deciding-ah an hneh a, Khawbung HSS lakah hian 25-20, 19-25, 15-12 in an chak. Inkhel thawhhnihnaah champion lai K.M HSS chuan an khingpui Helen Lowry HSS chu straight set in an hneh. Thawhlehnia inkhel dangah St. Joseph HSS, Pine Mount HSS, Khawbung leh Durtlang HSS ten hnehna an chang bawk.
He inelnaah hian HSS 12 an chhuak a, team 12 te hi pool li-ah team li theuhin then an ni a. Pool tina champion te theuhin semi-final an lut ang.