Napoli leh Nigeria striker Victor Osimhen chuan Saudi Pro-League pan tur angin sawi tlang than ni bawk mah se EPL club lian Chelsea zawm a thlang zawk. (i)
England winger Raheem Sterling chuan Manchester United zawm chungchang a ngaihtuah a. Chelsea nen contract chungchangah thu thar an neih hma chuan United pan a tum rih lo thung. (Telegraph – subscription required)
Crystal Palace chuan Arsenal atangin England striker Eddie Nketiah an la thei dawn hnai tawh a. Gunners nen hian £25m bakah £5m pek belh leh theih turin inremna an nei tawh. (Athletic – subscription required)
Scottish champions Celtic chuan Crystal Palace atangin French striker Odsonne Edouard lak let leh an duh. (News Shopper)
Atletico Madrid chuan Manchester City leh Portugal midfielder Matheus Nunes chu loan in a hawh theih tih hailang a, mah se sawmna an la siam lo thung. (Athletic – subscription required)
Georgia goalkeeper Giorgi Mamardashvili chuan thawhtanni khan Liverpool zawm fel thei turin Spain-ah medical test a paltlang. Liverpool hian kum 23 mi Mamardashvili manah £30m an seng ang a, tun season chhung chu Valencia-ah a cham chhunzawm rih ang a, kum 2025-ah Anfield a pan chauh thung ang. (Times – subscription required),
Nottingham Forest chuan England midfielder James Ward-Prowse lak tumin ruahmanna an siam. Kum 29 mi Ward-Prowse hian West Ham manager Julen Lopetegui ruahmannaah hmun a chang tawh lo. (Football Insider)
West Ham hian Ward-Prowse dawrtu an awm a nih chuan tha taka dawnsawn an tum a. Chhuahtir erawh an tum hmanhmawh chuk chuk lo thung. (Sky Sports)
Nottingham Forest in £29m senga Feyenoord leh Mexico striker Santiago Gimenez lei an tumna chu a tlawlh. (Telegraph – subscription required)
Newcastle chuan Burnley leh England Under-21s goalkeeper James Trafford an dawr nawn leh dawn a, loan a hawh phawta lak ngheh zui an tum ang. (Guardian)
Brentford chuan Italian Fiorentina right-back Michael Kayode an ngaihven a, kum 20 mi hi club dangte pawhin an ngaihven ve bawk. (Sky Sports)
Brentford chu Besiktas nen English midfielder Alex Oxlade-Chamberlain chungchanga indawr turin an inhawng reng. Kum 31 mi Chamberlain hi Ajax pawhin an ngaihven ve bawk. (SportsDigitale – in Turkish)
Napoli chuan £12.5m sengin Scotland leh Brighton midfielder Billy Gilmour lak theih an inbeisei zui reng a. Kum 23 mi hi inrinnia an squad-ah telh hman an duh. (Mail)
Feyenoord chuan Wolves leh Mali winger Boubacar Traore an thlithlai. (VI – in Dutch)
Wolves in rwalthar duhawm Scottish midfielder Ethan Sunderland lei an dilna chu St Mirren in an hnar. (Football Insider)
France winger Kingsley Coman chuan nipui bazar inhawn chhungin Bayern Munich a chhuahsan rin a ni a. English club eng emawzat ten lak tumin an ngaihven hlawm. (L’Equipe – in French)
Republic of Ireland striker Tom Cannon chuan nipui bazar inhawn chhungin Leicester a chhuahsan ngei dawn a. £6m senga lak theih theih Cannon hi Sheffield United leh Luton ten an ngaihven. (Irish Independent)
Southampton chuan Corinthians hnenah kum 23 mi Brazil striker Yuri Alberto lei dilna an thehlut nawn leh. (Fabrizio Romano)