Donald Trump-a campaign-ah Foo Fighters band hla, ‘My Hero’ play a ni a, phalna an nei nia sawi a nih laiin, band lam erawh chuan phalna an pe lo, an ti ve thung. Thu inchuh a na hle.
Tunhnai khan Robert F. Kennedy Jr. chu Arizona-a campaign liantham takah dawhsanah meuh kochhuakin, mipui hmaah hmelhriattirna an nei a, hemi tum hian, ‘My Hero’ hla hi play a ni.
Robert hi independent presidential candidate a nihna bansanin, Trump a thlawp thu a puan lai hian he hla hmang hian boruak an chhem alh nasa hle.
Heti ang hi a nih hnu ah fan pakhat chuan Foo Fighters te chu X (Twitter) kaltlangin phalna na pek leh pek loh a zawt a, band chhanna chu, ‘Aih’ tih a ni. Band thupuangtu chuan, “Foo Fighters te hnenah phalna dil a ni lova, lo dil tehreng pawh ni se, phalsak an ni lovang,” a ti.
Trump team erawh chuan phalsak ni awmin an sawi ve thung a, royality atanga an hmuh te hi Harris/Walz campaign atan donate an tum an ti ve thung.