Nimin khan Chief Minister Lalduhoma kaihhruaiin Mizoram State Policy Coordination Committee te chu CM Conference Hall-ah an thukhawm a. Mizoram Sawrkar Flagship Programme Handholding Scheme hawn (launch) hun tur leh thil pawimawh dang te an sawiho.
Handholding Scheme hi kumin September thla khian hawn (launch) theih an tum a. A dil duh te tan dilna hun hawn zui nghal a ni ang.
Thlai thar lei tur chungchanga hmalaknate pawh an thlirhova, Aieng Processing Unit chungchang te, Hmunphiah processing chungchanga rawtna awm te, Hmunphiah dahkhawmna tur (warehouse) hmalak mek te pawh an sawi a ni.
Meeting-ah hian Forest Minister Lalthansanga, Agriculture Minister PC Vanlalruata, Horticulture Minister Prof. Lalnilawma, Industry Minister F. Rodingliana, Adviser to Chief Minister Dr. KC Lalmalsawmzauva leh official te an tel a ni.