- Ruata
Tata Motors chuan tunhnaiah an Coupe SUV thar Curvv chu electric khawl hmang an tlangzarh a, hemi hnu hian internal combustion engine (ICE) hmang an tlangzarh leh ta.
ICE hi petrol leh diesel khawl pangngai tihna mai a ni a. Tata Curvv-a ICE hmang a rawn awm takah hian lirthei leitu tam tak an hmuh belh beisei a ni. Tata Curvv petrol leh diesel hmang hi Smart, Pure+, Pure+ S, Creative, Creative S, Creative+ S, Accomplished S leh Accomplished+ A trim te a awm a. Petrol khawl hmang hi Rs. Nuai 10-17.5 man inkar a ni a, diesel hmang hi Rs. Nuai 11.5-17.7 man inkar a ni a, a man tarlan te hi ex-showroom man a ni.
Petrol khawl chi hnih leh diesel khawl chi khat Tata Curvv tharah hian duhthlan tur a awm dawn a. Tata 1.2L TGDi turbo petrol engine khawl thar chu he SUV tharah hian kan hmu dawn a, he khawl hian 125PS power leh 170Nm torque a pechhuak thei a ni. Hei bakah hian 1.2 turbo petrol khawl, 120PS power leh 170Nm torque pechhuak thei a awm bawk a. 1.5 litre diesel khawl, 118PS PS power leh 260Nm torque pechhuak thei a awm bawk a ni.
A chhung leh a kentel hrang hrang hi chu a lo chhuak hmasa tawh, electric khawl hmang nen a inang tlangpui a. 9-speaker JBL sound system, 12.3-inch touchscreen infotainment system, ventilated front seats, voice-assisted panoramic sunroof with mood lighting, air purifier with AQI display, two-step recline function for second-row seats, auto-dimming IRVM, smart digital lights with charging indicator & welcome/goodbye function tih te kan hmu.
A man to hoah acoustic vehicle alert system akan hmu bawk a, hei hi a top-end Accomplished S trim-ah kan hmu a ni. Accomplished+ A trim -ah hian Level 2 ADAS, SOS calling function, leh powered tailgate with gesture control kan hmu danw bawk a ni.
Heng bakah hian 360-degree camera with blind spot monitor, wireless phone charger, wireless Android Auto & Apple CarPlay connectivity, front parking sensor, tyre pressure monitoring system, cruise control, EPB with auto hold function, airbags paruk bakah thildang kan hmu bawk a. He lirthei hi a changkangin a tunlai hle a ni.