Manchester United chuan Crystal Palace winger Eberechi Eze an thlithlai a, nipui bazar inhawn leh hunah England forward hi lak tuma hma lak ngei an tum. (Manchester Evening News)
Egypt forward Mohamed Salah an contract thar ziak lova a chhuak dawn a nih chuan Liverpool pawhin Eze hi lak tumin hma an la ve dawn bawk. (Liverpool Echo)
Aston Villa chuan nipui bazar inhawn lai khan Colombia forward Jhon Duran lei dilna tha hnem an dawn chu an hnar vek. (The Mirror)
Chelsea chuan Turkey lama nipui bazar inhawn chhung ngeiin Ivory Coast forward David Datro Fofana chu Greek club AEK Athens ah hralhchhuah hman ngei an tum. (The Athletic – subscription required)
Chelsea thuneitute karah thlasik bazar huna an chet lak dan tur chungchangah inhnialna lian tak a awm. (Football Insider),
Chelsea leh Tottenham manager Mauricio Pochettino chu US Soccer thuneitute nen inhmua an titi hnuin USA manager thar a ni dawn tih tihchian a ni. (Mail)
English Premier League club lian Chelsea leh Arsenal ten ngaihven bawk mah se Sporting leh Sweden forward Viktor Gyokeres chuan January thlaah chhuah a tum rih lo. (Football Insider)
Manchester United chuan Brazil winger Antony chu lak tuma ngaihventu langsar ber Fenerbahce hnenah loan in chhuahtir ngei an tum. (Sun)
Galatasaray chuan nipui bazar inkhar hmain kum 31 mi Tottenham leh Wales defender Ben Davies lak hman tumin an ngaihven. Turkish nipui bazar hi September ni 13-ah a tawp ang. (Takvim, via Football Insider)
Chelsea midfielder hlui John Obi Mikel chuan Nigeria striker Victor Osimhen chu nipui bazar inhawn lai khan loan a Blues zawm turin hmin a tum a, Napoli forward hian loan in Galatasaray a zawm ta zawk. (Talksport)
Sevilla a chhuahsan hnua club zawm la nei lo Real Madrid leh Spain defender hlui Sergio Ramos chuan Brazilian club lian Corinthians a zawm mai thei. (Itatiaia – in Portuguese)
Juventus chuan an hnenah hmun chan tuma cham duh Brazilian midfielder Arthur Melo chu contract thar zawh an rilruk. (Fabrizio Romano)
Canada forward Jonathan David chu Premier League pan tur angin sawi ni bawk mah se Lille in contract thar ziahpui tumin an dawr. (Teamtalk)
Juventus a chhuahsan hnua club zawm la nei lo France midfielder Adrien Rabiot chu Manchester United in lak luh an tum a. Kum 29 mi hian hlawh a phut sang uchuak a, hei hi an indawr meknaa mu tan lian ber a ni rih. (Football Insider)