Zo Re-Unification Organisation (ZORO) chuan thuchhuah siamin, Mizoram Chief Minister Lalduhoma chu Zofate tana thu tha tak leh chhinchhiah tlak tak tak, Zofate inlungrualna tur leh insuihkhawm theihna tur thu, USA-a a zinnaah thahnemngai taka a sawi avangin lawmthu a sawi a. Ramri hung (Border Fencing) chungchanga Mizoram CM a nihna anga Zofate hma hun thlir chunga nghet taka a dinna thu a sawi avangin Chief Minister Lalduhoma chungah hian lawmthu a sawi bawk a ni, an ti.
ZORO chu a dinna ngaiah a ding reng a, tharum thawhna tel lova dikna chanvo kan chan theuh theihna turin. Chin Lushai Conference 1892 Thurolum No.1 dungzui leh United Nation Declaration on the Rights of indigenous People (UNDRIP) 2007 in a sawi angin, India, Bangladesh leh Myanmar Sawrkar awpna hnuaia awm mek Zofate chu rorelna pakhat hnuaia awm turin hma a la zel ang, an ti bawk.