- Ruata
Hyundai chuan an 7 seater SUV changkang leh mawi, Alcazar chu hmel thar, facelift version, kum 2024 model an tlangzarh thar a, Rs. Nuai 14.99 man atangin a intan.
Alcazar thar hi rawng chi 9 – Titan Grey Matte, Robust Emerald Matte, Robust Emerald Pearl, Ranger Khaki, Atlas White, Abyss Black, Fiery Red leh Starry Night rawng te a awm a. Dual-tone rawng hi Atlas White with Abyss Black roof a awm bawk a ni.
Design-ah tlem azawng danglamna kan hmu a. 18 inch diamond cut alloy wheel thar kan hmu a, a hnung leh hma bumper-ah silver hmanga chei a ni a, taillamp thar, a hnung vang tluanin a nei bawk a. Heng bakah hian danglamna hrang hrang kan hmu a, a landan hi a mawiin a changkang hle a ni.
A chhunglamah dual-screen setup – 10.25-inch touchscreen infotainment system leh 10.25-inch digital instrument cluster te kan hmu a. A chhung rawng hi dual-tone tan and black a ni bawk. Dual-zone climate control, cooled rear seats, voice-controlled panoramic sunroof leh ventilated front seat te kan hmu a. ADAS suite an dah thar hi thil thar langsar leh pawimawh tak a ni.
A kentel dang hrang hrang zingah hian 8-speaker Bose audio system, panoramic sunroof, ventilated front & middle-row seat, touch-sensitive climate control panel, dual-zone AC, connected car tech, wireless charger for middle seat, magnetic pad leh adangte a tel a ni.
A khawl lamah chuan 1.5L turbo petrol leh 1.5L diesel engine a hmang a, petrol khawl hian 160bhp power leh 253Nm torque a pechhuak thei a. Diesel hian 116bhp power leh 250Nm torque a pechhuak thei bawk. Petrol khawl hmangah hian 6-speed manual leh 7-speed DCT automatic gearbox duhthlan tur a awm a, diesel khawl hian 6-speed manual leh 6-speed automatic transmission duhthlan tur a nei bawk a ni.