Documentary sawihlawh leh inhnialna nasa tak chawkchhuak mek ‘Russian At War’ chu vauna vanga chhuah loh a nih hnu-ah nimin khan Toronto-ah tihchhuah a ni.
Toronto International Film Festival hi Pathianni khan zawh fel ni tawh mah se, Lightbox cultural center lamah he documentary hi hmun hnih ah tihchhuah niin, Pro Russian film-a ngai an tam hle a, thenawm Ukraine a run a ngaihna chhan leh hmai phih fai tumna ah mi tam takin an puh.
Thla hmasa khan he documentary film hi Venice-ah tihchhuah a lo ni tawh a, boruak a rit hle tawh bawk.
Karhmasa khan Toronton International Film Festival hian vauna nasa tak vangin he film hi lakchhuah a lo ni tawh a, tunah erawh a hranpa liau liau in hmun hnih ah an tichhuak ta tho.