Mizoram Volleyball Association chuan District Volleyball Association te’n an recommend-te aṭangin Referee Clinic & Examination an buatsaih a. Ni 18 – 20 September, 2024 chhungin Tuikual Indoor Stadium-ah neih a ni ang. District hrang hrang aṭangin mi 25 an tel thei a. Resource Person atan Lalduhawma Hnamte, National Referee leh Lalmuanpuia, State Referee-te an ni.
He hun hi Pu C. Lalrokhuma, General Secretary MVA chuan a hawng a. Pu H. Vanlalngura, Treasurer MVA & Chairman, Technical chuan hun kaihruaiin; Pu Henry MS Dawnga, Secretary, Technical MVA chuan report a pe bawk. Pu Donald Lalthanmawia Khawlhring, Vice President MVA chuan MVA State Referee exam tur kalkhawmte fuihna thu tawi a sawi bawk.
Pu C. Lalrokhuma (Puitea), GS MVA chuan Volleyball-a hmasawn tur chuan Technical a hmasawn hmasak a ngai a, vawiina training te hi Mizoram Volleyball ti hmasawntu turte in ni. Player te’n hmasawn turin nitin an practice a; Match Official-te pawhin hmasawn turin theihtawpa Theory leh Practical a inzir hi kan tih ngei ngei tur a ni, a ti.
Pu Puitea chuan Volleyball Referee nih hi a zahawm a, player-te zah phua nungchang zahawm neih a ngai bawk a. Huaisen leh rilru dik put a ngai a, eizawnna satliah a ni lo, a ti a. Chutiang tur chuan Referee-te hi kan inbuatsaih ang a, Mizoram Volleyball hian District hrang hrang leh Mizoram pumah hma a sawn zel dawn a, a sawn mek zel bawk a ni, a ti bawk.