- George L. Ralte; Finance Secretary, Vaivakawn Football Club
Khawvel Infiamna lama intihsiak ngaih hlut ber a an sawi World Cup Football ah hian Mizo zingah pawh a khel hmasa ber kan lo nei ve ta reng mai.Kan Mizo zinga World Cup Football khel hmasa ber kan neih chu Tv.Lalengmawia Ralte (Apuia) Vaivakawn veng tlangval hi a ni.Apuia Ralte in World Cup Football a khelhna hi kum naupang zawk te tan a buatsaih niin he World Cup Football hi India ramin kan thlen tum kha niin Mizo zing ah Apuia Ralte chiah hi India National Football Team atan koh a ni.
Indian Super League Football khelh mek leh lo khelh tawh zawng zawng ah khan ISL Football Club hrang hrang zing ah Apuia Ralte hi Football Club Captain ni thei naupang ber a ni hial awm e.
Apuia Ralte hian Northeast United Fc ah a khelh lai khan Captain armband te hrenin (ni 30.11 2020) Apuia Ralte hi kha tih hun lai khan kum 20 leh ni 44 mi chauh a la ni awm e.
Apuia Ralte hian Indian Super League Football ah a khelh tan tirh khan he Football League a Football Club lar tak pakhat Northeast United Fc ah khan hun rei tak khelin Northeast United Fc ah a khelh lai hian tum kha chu nalh zet maiin pet goalin he a pet goal hi Goal of the Week hial ah an thlang a nih kha kan la hre theuh awm e. Apuia Ralte hian hun rei tak Northeast United Fc a khelh hnu hian Mumbai City Fc hi pan leh Mumbai City Fc ah a khelh chhung hian Indian Super League Football 2023-2024 Season khan Apuia Ralte hian Mumbai City Fc hi hemi Football Season khelh tum a point hmu sang pali te inkhel kual lehna ah Apuia Ralte hian Mumbai City Fc hi Champion a pui a ni. Indian Super League Football Season thar ah erawh chuan a Football Club thar Mohun Bagan SG tan a khel chhunzawm thei leh thei ta hi a lawmawm tak zet a ni.
Apuia Ralte hi kum lamah chuan la naupang ni mahse Football khel mual ah chuan pet goal emaw a Football Club khelhna ah a thian te tan pet goal tur a siam sak pawp pawp ang chi khan beisei lo ila, a hma zawna a mawhphurhna pawimawh tak erawh chu tha takin a hlen chhuak thin thil a ni.
Apuia Ralte hian Indian Super League Football a khelh chhung hian chawimawina chi hrang hrang te lo dawng tawhin Football lama a Position chu Midfielder niin a Position hi Football ah chuan khaikhawmtu pawimawh tak a ni awm e. India rama Football Club hlun zing a mi leh India rama Football in pui ti a an sawi Kolkata Football Club Mohun Bagan SG tan a khel tan leh ta a ni. Apuia Ralte hian Northeast United Fc ah a khelh tan khan a pualin an veng mi thenkhat te chuan Apuia Supporters Club tih in vuahin Apuia Ralte telna apiang Football Club ten Football Match an khelh apiang leh Apuia Ralte hian India ram tana International Football Match a khelh apiangin Apuia Supporters Club te hian Apuia Ralte te in ah Apuia Ralte tawiawmna ni pah fawmin inkhel en hona te an nei thin a,Krismas dawn hnai ah te Apuia Supporters Club te hian Apuia Ralte awmna veng a khawsak harsa te pualin Krismas thilpek hlanna te pawh kan lo nei tawh thin a ni.
Apuia Ralte awmna veng Branch YMA te hian an veng ti hming thatu te chawimawina an hlan thin VAIVAKAWN AWARD chu kum 2022 kum tawp lam khan Apuia Ralte hnen ah hian an lo hlan tawh bawk a ni.
Apuia Ralte in tluang taka a Football Club thar Mohun Bagan SG tan a khelh chhunzawm zel theih nan a hming chawi a Group siam APUIA SUPPORTERS CLUB VAIVAKAWN te chuan duh sakna sang ber kan kan hlan a ni.