- Ruata
Maruti Suzuki chuan an hatchback hlun leh chhuanvawr Wagon R chu special edition thar, Waltz Edition an tlangzarh thar a, Rs. Nuai 5.65 (ex-showroom) man atangin a intan.
Wagon R thar hi a landan leh a kentel thenkhatah danglamna tlem a awm a. Variant pathum – LXi, VXi, leh ZXi te a awm a. Heng variant pathumah hian khawl chi hnih – 1.0 litre leh 1.2 litre petrol khawl te duhthlan tur a awm a ni.
Khawl pahnihah hian technology hrang hrang DualJet, cooled EGR (exhaust gas recirculation), Dual VVT (variable valve timing), leh ISS (idle start-stop) technology te a awm a. 1.0 litre khawl zawk hian 67bhp power pechhuakin 1.2 litre khawl zawk hian 90 bhp a pechhuak a ni.
Heng Special Edition Wagon R tharah hian CNG hmang pawh duhthlan tur a awm bawk a. 5-speed manual leh AMT transmission duhthlan tur a awm bawk a. A tui heh zawng hi 25.19kmpl (1.0L AMT), 24.43kmpl (1.2L AMT), leh 34.05km per kg (CNG) a ni.
He special edition Wagon R in a kentel zingah hian chrome front grille, bumper protector, fog lamp assembly with garnish, wheel arch cladding, body side molding, leh side skirt te a tel a. Floor mat thar, 6.2-inch touchscreen music system, reverse parking camera bakah security system te a awm a. Himna hmanrua lamah chuan dual airbag, electronic stability control, ABS with EBD, leh hill hold control a awm bawk a ni.