- Ruata
Tata Motors chuan Nexon CNG thar an tlangzarh a, Rs. Nuai 8.99 man atangin a intan.
Tata hian CNG model rual hian Nexon EV Red Dark variant an tlangzarh thar a, hei bakah hian Nexon ev-ah thil thar an rawn dah belh. Tata Nexon CNG thar hi variant 8 – Smart, Smart+, Smart+ S, Pure, Pure S, Creative, Creative+ leh Fearless+ PS te a awm vek tawh dawn a. A variant indawt dan hian Rs 8.99 lakh, Rs 9.69 lakh, Rs 9.99 lakh, Rs 10.69 lakh, Rs 10.99 lakh, Rs 11.69 lakh, Rs 12.19 lakh leh Rs 14.59 lakh man te a ni.
Tata Nexon CNG hi a elpui te zinga infotainment screen hlai, 10.25-inch touchscreen infotainment system, 10.25-inch digital instrument cluster with navigation, panoramic sunroof with voice assistance, ventilated front seat leh touch-based climate control unit a nei a ni.
Tata CNG model dangte ang bawkin Nexon iCNG hian Dual Cylinder Technology a hmang a, a khawl hi 1.2 litre turbo petrol khawl nghahchhana duan a ni. India rama CNG SUV-ah chuan turbocharged khawl nei hmasa ber a rawn ni ta a. Tata Twin cylinder technology han tih hian CNG cylinder pahnih a hmang a, litre 60 a tel a ni.
Nexon CNG hian 99bhp power leh 170Nm torque a pechhuak thei a, 6-speed manual gearbox a hmang bawk a ni. Nexon CNG hian Maruti Suzuki Brezza CNG bakah CNG model dang – Maruti Suzuki Fronx, Hyundai Exter, leh Toyota Urban Cruiser Hyryder CNG te a el dawn a ni.
Hmanlai atangin Mizoramah pawh petrol khawl pangngai LPG hmang te a leh a lo ni tawh thin a. Company-in duh thala CNG hmang changkang tak an siam hi chu rintlak lehzual tura beisei a ni a. India ram chunga CNG hmang lirthei hman tam chhoh zelah hian Mizoram tan pawh duhthlan tur tha tak a ni awm e.