Crystal Palace leh England defender Marc Guehi chu Newcastle United in lak tuma an ngaihven tak loh vangin Liverpool in lak theihna hun tha an nei dawn. (Football Insider)
Liverpool chuan £100m em em chuan Bayer Leverkusen leh Germany midfielder Florian Wirtz lak an tum lo. (Echo)
Manchester United leh Manchester City te chuan Bayer Leverkusen leh Netherlands midfielder Jeremie Frimpong lak an duh. (Football Insider)
Newcastle chuan nipui bazar liam taah Liverpool in lak tuma an ngaihven England winger Anthony Gordon chu contract thar ziahpui tumin an dawr a, an indawrnaah hmasawnna duhawm hmuh tur a awm. (Telegraph -subscription required)
Liverpool hian Gordon leina tur suam tuak nan England defender Joe Gomez chu hralh an tum a. Gordon manah hian £45m vel bawr an zuah hrang. (Mirror)
Newcastle chuan Gordon hi contract thar ziahpui ngei an duh a. Everton player hlui hi Arsenal pawhin lak an duh ve bawk. (Sun)
Trent Alexander-Arnold chuan contract a hman zawh huna contract thar ziah belh leh chu a duh thlan a nih thu a sawi. Arnold hi La Liga club lian Real Madrid in lak tumin an ngaihven a, Anfield a chhuahsan a rinawm hman viau. (Football Insider)
Alexander-Arnold hian Anfield ah cham chhunzawm tura contract thar ziah a remti a nih chuan Real Madrid hian Manchester United leh Portugal full-back Diogo Dalot lak an tum dawn. (GiveMeSport)
Chelsea chuan nipui bazar inhawn lai kham AC Milan hnenah France goalkeeper Mike Maignan lei dilna an thehlut nual hman a. Serie A club lian Milan hian kum 29 mi manah 80m euros (£66.8m) zet an chhiar vangin an dawr chhunzawm ta lo thung. (Corriere dello Sport, via Metro)
Real Madrid chuan Italian club Como a Nico Paz hmasawn dan uluk takin an thlithlai. Kum 20 mi hian Como tan khel tha zui viau a nih chuan Real Madrid hian lak let leh theihna thutlung an neih chu hman an tum. (AS – in Spanish)
Manager Erik ten Hag a dinhmun chu derthawng takin a awm mek a. Manchester United hian Ten Hag thlaktu tur an melh kual chhunzawm zel. (Teamtalk)
Ten Hag enawl United hian Old Trafford-ah Tottenham, Porto leh Aston Villa te an hmachhawn zawn dawn. Heng match thumte hi Ten Hag tan insiamthatna a nih theih rualin ban a nih hun tur a ni thei bawk. (Mail),
Manchester United boss hlui Ole Gunnar Solskjaer chuan Old Trafford ah kir leh tura sawmna a dawng a nih phawt chuan, “aw, kei heta hi ka awm e’ tia chhang turin a inpeih reng. (ESPN)
Everton manager thar Sean Dyche chuan club neitu thar hnuaiah a hna chelh chhunzawm a duh. (Telegraph – subscription required)